Funksionet e Elif POS Market

Skano, shto, paguaj dhe printo nga një ekran i vetëm, me arkën nën kontroll gjatë gjithë ditës.

Çfarë është Elif POS Market

Elif POS Market është ekrani i shitjes për markete dhe dyqane. Çdo gjë që i duhet kasierit është në një faqe: artikujt e faturës majtas, totali, tastiera dhe butonat djathtas.

Kasieri skanon produktin dhe artikulli hyn menjëherë në faturë. Pa dalë nga ekrani i shitjes, kalon mes tre faturave, zgjedh klientin, merr pagesën me F11 dhe bën depozita ose tërheqje nga arka.

Pse Elif POS Market

I shpejtë: Artikulli hyn në faturë sapo skanohet barkodi.
Fleksibël: Tre fatura të hapura njëkohësisht për klientë të ndryshëm.
I qartë: Totali i madh dhe butonat kryesorë duken gjithmonë në ekran.
I plotë: Pagesa, klientët, pikët, artikujt e shitur dhe veprimet e arkës në të njëjtin vend.

Provojeni: pagesa dhe kusuri

Zgjidhni një mënyrë pagese për një faturë shembull. Me para në dorë, zgjidhni shumën e marrë dhe shikoni kusurin.

Totali i faturësALL 200

Kasieri vendos shumën e marrë dhe sistemi llogarit kusurin.

Paguar

Kusuri300 L

Shitje me barkod

Kasieri nuk ka nevojë të klikojë në një fushë kërkimi. Skanon produktin dhe artikulli shtohet menjëherë në faturë.

Njohje e barkodit, kodit të artikullit dhe barkodeve të shumta për të njëjtin artikull
Barkode nga peshorja, me sasinë të lexuar nga vetë barkodi
Skanimi i të njëjtit artikull rrit sasinë në rreshtin ekzistues

Kërkim i shpejtë i artikujve

Kur produkti nuk ka barkod, kërkohet sipas emrit, kodit ose barkodit. Lista tregon edhe sasinë në magazinë dhe çmimin para se artikulli të shtohet në faturë.

Fatura në ekran

Çdo rresht i faturës mund të ndryshohet direkt:

Sasia dhe njësia e matjes
Zbritja në përqindje ose në vlerë
Çmimi dhe vlera me TVSH
Gjendja e artikullit në magazinë
Fshirje e rreshtit

Tastiera në ekran me numra, plus, minus dhe pastrim e bën punën të lehtë edhe me prekje. Poshtë shfaqen sasia totale, zbritja dhe vlera e faturës.

Tre fatura njëkohësisht

Një klient harroi diçka? Kasieri kalon te Fatura 2, i shërben klientit tjetër dhe kthehet te fatura e parë pa humbur asgjë. Te Lista e Faturave gjenden shitjet e ditës.

Pagesa me një tast

Me F11 hapet dritarja e pagesës. Kasieri zgjedh mënyrën e pagesës, vendos shumën e marrë dhe sistemi llogarit kusurin.

Mënyra të ndryshme pagese: me para në dorë, me bankë, me kartë bankare, me kartën e kompanisë ose pa paguar
Llogaritje automatike e kusurit për pagesat me para
Mënyra e parazgjedhur e pagesës sipas përdoruesit
Fiskalizim për kompanitë që e përdorin dhe printim i faturës 80mm
Pyetje opsionale para printimit

Kthime, anullime dhe kuponi

Nga Lista e Faturave, çdo faturë e ditës hapet me një klikim dhe kasieri zgjedh çfarë do të bëjë me të.

Shiko: detajet e faturës dhe kuponi ashtu si printohet, me ri-printim
Kthim / storno: zgjidhen vetëm artikujt që kthehen dhe totali i kthimit llogaritet vetë
Anullim: anulohet e gjithë fatura

Versioni desktop: veprimet për një faturë

Klientët dhe pikët

Çdo faturë nis me klientin e parazgjedhur. Me një klik mund të zgjidhni një klient tjetër nga lista ose të shtoni një klient të ri pa dalë nga ekrani i shitjes.

Kërkim i klientit dhe të dhëna si NIPT, qytet dhe telefon
Çmimet ndryshojnë sipas listës së çmimeve të klientit
Pikët e klientit duken direkt në ekranin e shitjes
Aktivizim i pikëve që në krijimin e klientit

Artikujt e shitur

Një klik mjafton për të parë çfarë është shitur: kodi, artikulli, sasia, çmimi dhe vlera totale.

Veprimet e arkës

Paratë hyjnë dhe dalin nga arka pa u larguar nga ekrani i shitjes.

Gjendja e arkës aktuale dhe totali i të gjitha arkave
Depozitë dhe tërheqje me shënim
Hapje e shpejtë e çeljes ditore

Gati për kasën tuaj

Magazina, klienti, arka, monedha, lista e çmimeve dhe mënyra e pagesës vendosen si parazgjedhje për çdo përdorues, ndaj kasieri nis të shesë pa zgjedhje shtesë. Ekrani përshtatet edhe për tablet.

Shikojeni Elif POS Market në punë

Kërko një demo